...हाच तो व्हिडिओ आहे, जो सध्या व्हायरल होतोय...एका चालत्या गाडीवर काहीतरी विचित्र दृष्य दिसतंय... व्हिडिओत दिसत असलेलं संभाजीनगरच्या खुलताबाद रस्त्यावरील भूत आहे असा दावा करण्यात आलाय...या दाव्यामुळे भीतीचं वातावरण निर्माण झालंय...

संभाजीनगरात हा व्हिडिओ प्रचंड व्हायरल होतोय...घृष्णेश्वर मंदिर, दौलताबाद किल्ला आणि भद्रा मारुतीच्या दर्शनासाठी मोठ्या प्रमाणात भाविक येत असतात...यामुळे हा व्हिडिओ पाहून लोकांच्या मनात भीती निर्माण झालीय...पण, खरंच हा व्हिडिओ संभाजीनगरमधील आहे का...? या व्हिडिओची सत्यता जाणून घेण्यासाठी आम्ही पडताळणी सुरू केली...आमच्या प्रतिनिधींनी हा व्हिडिओ संभाजीनगरातील अनेकांना दाखवला...

व्हायरल व्हिडिओत दिसत असलेलं भूत नाही

संभाजीनगर खुलताबाद मार्गावर अशी घटना घडली नाही

पर्यटकांनी कुठल्याही प्रकारचं भयभीत होऊ नये

अफवांवर विश्वास न ठेवण्याचं आवाहन

भूत वगैरेही काहीही नसतं...सोशल मीडियावर लाईक्स आणि व्ह्यूज मिळवण्यासाठी काही लोक अशा प्रकारचे व्हिडिओ एडिट करतात...आणि इतरांना घाबरवलं जातं...अनेकजण यावर विश्वासही ठेवतात...त्यामुळे असे व्हिडिओ आल्यास सत्यता पडताळल्याशिवाय पुढे शेअर करू नका...आमच्या पडताळणीत संभाजीनगरात भूत दिसल्याचा दावा असत्य ठरलाय...