लहान मुले खूप निरागस आणि हट्टी असतात. अनेकदा नवीन गोष्ट दिसल्यावर ते आकर्षित होतात आणि ती गोष्ट घेण्याचा हट्ट करतात. परंतु अनेकदा या नवीन गोष्टी ट्राय करणे आपल्या जीवावरदेखील बेतू शकते. त्यामुळे पालकांनी मुलांना नवीन गोष्टी ट्राय करु देऊ नये. याबाबत काळजी बाळगा. असाच एक लहान मुलाचा व्हिडिओ सोशल मीडियावर व्हायरल होत आहे. या व्हिडिओत लहान मुलाला नवीन गोष्टी ट्राय करायला देणं चांगलच महागात पडलं आहे.

व्हायरल व्हिडिओत, एक लहान मुलगा नायट्रोजन स्मोक बिस्किट खाताना दिसत आहे. परंतु हे बिस्किट खालल्यानंतर त्या मुलाची तब्येत अचानक बिघडली. याचदरम्यान त्या मुलाचा मृत्यू झाला आहे. या टनेचा व्हिडिओ सोशल मीडियावर प्रचंड व्हायरल होत आहे.

व्हायरल व्हिडिओत एक लहान मुलगा नायट्रोजन स्मोक बिस्किट खाताना दिसत आहे. बिस्किट खाताना त्यातून स्मोक म्हणून धूर बाहेर पडताना दिसत आहे. स्मोक बिस्किट खालल्यानंतर त्या मुलाला बरं वाटतं नाही. तो ते बिस्किट तिथेच खाली फेकून देतो. त्यानंतर आपल्या कुटुंबियांकडे जातो. मुलाची प्रकृती अचानक बिघडल्याने मुलाचे कुटुंबिय चिंतेत पडलेले दिसत आहेत. ते या मुलाला पाणी देतात. त्याची पाठ थोपटताना दिसत आहे. मुलगा खूप जास्त अशक्त होतो. त्यानंतर काही वेळातच त्याचा मृत्यू होतो. मुलाचा अचानक मृत्यू झाल्याने कुटुबियांना मात्र खूप मोठा धक्का बसल्याचे दिसत आहे.

mohandreamer या एक्स अकाउंटवरुन हा व्हिडिओ शेअर करण्यात आला आहे. स्मोक बिस्किटांवर ताबडतोब बंदी घालायला हवी. स्मोक बघून मुले बिस्किट खायला आतूर होतात. मात्र, यात नायट्रोजन असतो. हा पदार्थ एक चमचा जरी आपल्या पोटात गेला तर धोकादायक ठरू शकते, असं कॅप्शन या व्हिडिओला देण्यात आलं आहे.