Hair Stuck In Fan: असं म्हणतात की, कधी कोणती घटना घडेल सांगता येत नाही. सोशल मीडियावर यापूर्वी अनेक धक्कादायक व्हिडिओ व्हायरल झाले आहेत, ज्यात व्यक्ती काही क्षणांतच मृत्यूमुखी पडली. सध्या असाच एक भयंकर व्हिडिओ व्हायरल होत आहे, ज्यामध्ये एका महिलेचे केस अचानक पंख्यात अडकतात आणि मोठा अपघात होतो.

घटना घडली तरी कशी?

व्हायरल(Viral) होत असलेल्या व्हिडिओ तुम्हाला एक कारखाना दिसत आहे. ज्या कारखान्यात अनेकजण काम करण्यात व्यस्त आहेत, मात्र त्यात दोन तरुणी येताता आणि तेथील एका महिलेशी बोलण्यास सुरुवात करतात. त्यातील एक तरुणी सुरु असलेल्या फॅनच्या समोर उभी आहे.

काही क्षणात तरुणीचे केस सुरु असलेल्या फॅनमध्ये अडकतात. क्षणात तिची मदत करण्यासाठी सर्वजण जमतात. काही क्षणांतच आसपासच्या लोकांनी पंखा बंद केला आणि तिच्या केसांची गुंतागुंत सोडवण्याचा प्रयत्न सुरू केला. अनेकांनी वेळेवर मदत केल्याने तिची जीव बचावला जाऊन केसही फॅनमधून निघतात. सर्व व्हिडिओ कारखान्यातील सीसीटीव्हीमध्ये कैद झालेला आहे.

हा व्हिडिओ (Video) पाहून अनेकांनी धडा घेतला असून, लांब केस असलेल्या महिलांनी सावधगिरी बाळगण्याचा सल्ला दिला जात आहे. संपूर्ण घटनेचा व्हिडिओ सध्या इन्स्टाग्रामवरील hse_for_india या अकाउंटवर अपलोड करण्यात आलेला. नक्की व्हिडिओ कुठला आहे हे कळू शकलेले नाही, मात्र आतापर्यंत अनेकांनी मोठ्या संख्येने प्रतिक्रिया दिलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.