तुटलेल्या पुलावरुन जाण्याचा प्रयत्न एका माय-लेकीच्या जीवावर बेतण्याची वेळ आली. प्रवाह प्रचंड असूनही त्यांनी पुल पार करण्याचा प्रयत्न केला. या थरारक क्षणाचा व्हिडिओ सोशल मीडियावर व्हायरल झाला असून नागरिकांनी अशा धाडसाच्या निषेधार्थ चिंता व्यक्त केली आहे.

तुटलेल्या पुलातून जाण्याचा प्रयत्न जीवावर बेतला

या व्हिडिओमध्ये दिसतं की गावात मोठ्या प्रमाणात पाऊस पडल्याने सर्वत्र पुराची परिस्थिती निर्माण झाली आहे. दरम्यान पुराच्या पाण्याच्या जोरदार प्रवाहामुळे गावात जाणारा पूल तुटण्याच्या परिस्थितीत होता,तरीही देखील गावातील अनेक लोक जीवावर बेतून तो पूल पार करत होते. दरम्यान तिथे एक माय-लेक तो पुल पार करत होत्या मात्र, पाण्याचा जोर सहन न झाल्याने पुल कोसळतो आणि दोघींया पाण्यात पडतात आणि पाण्याच्या जोरदार प्रवाहासोबत वाहून जातात.

धक्कादायक म्हणजे,आजूबाजूला उभे असलेले लोक आरडाओरड करत असले तरी कुणीही त्यांना वाचवण्यासाठी पुढे सरसावले नाही.हा सर्व प्रसंग एखाद्याने आपल्या मोबाईलमध्ये शूट केला असून, तो सोशल मीडियावर वेगाने व्हायरल होत आहे.

ही घटना नेमकी कुठली आहे ते अद्याप समजू शकलेले नाही. पण व्हिडिओ(Video) व्हायरल होताच त्यावर नेटकरी वर्गातून मोठ्या संख्येने प्रतिक्रिया आलेल्या आहेत. एका यूजरने कमेंटमध्ये लिहिले,''खरचं गरज नव्हती ऐवढी घाई करायची'' तर दुसऱ्या यूजरने कमेंट केली,''खुपच भयानक घडले'' अजून एका यूजरने कमेंट केली,''धक्कादायक घटना म्हणाव लागेल'' अशा विविध प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.