लग्नाच्या पाचव्या दिवशी एका तरुणाने आपल्या बायकोला तिच्या कथित बॉयफ्रेंडसोबत रंगेहाथ पकडल्याची धक्कादायक घटना समोर आली आहे. या घटनेचा व्हिडीओ समोर आला असून तो सोशल मीडियावर व्हायरल होत आहे. हा व्हिडीओ सर्वांचे लक्ष वेधत असून त्यावर आता जोरदार चर्चा होऊ लागली आहे. नेटकरी देखील त्यावर कमेंट्स करत आहेत.

व्हायरल होणाऱ्या व्हिडीओमध्ये दिसत आहे की, एक महिला तिच्या बॉयफ्रेंडसोबत कारमध्ये बसली असते. त्याचवेळी अचानक तिथे तिचा नवरा येता. बायकोला तिच्या बॉयफ्रेंडसोबत पाहून नवऱ्याला मोठा धक्का बसतो आणि तो आपल्या मोबाईलमध्ये व्हिडीओ काढू लागतो. तो कारची काच वाजवतो आणि 'तू तर खोटारडी निघाली ना...तू तर आईच्या घरी जाणार होती. याच्यासोबत तू फिरत आहे.' असे हा तरुण आपल्या बायकोला म्हणत असल्याचे या व्हिडीओमध्ये ऐकू येत आहे.

व्हायरल होणाऱ्या या व्हिडीओमध्ये 'अच्छा सिला दिया तूने मेरे प्यार का' हे गाणं बॅकग्राऊंडला लावल्याचे ऐकून येत आहे. हा तरुण बायकोच्या बॉयफ्रेंडला सांगतो की, 'ही माझी बायको आहे. मला सांगून गेली की आईच्या घरी जाते आणि ती इथे बसली आहे.' त्यानंतर हा तरुण बायकोल म्हणतो की, 'तुझ्यासाठी मी काय काय नाही केले. तुझ्यासाठी मी काय काय सोडले. माझे मित्र सोडले आणि तू इथे हे करत आहे.' ही घटना नेमकी कुठली आहे याची माहिती समोर आली नाही. पण याचा व्हिडीओ सध्या चांगलाच व्हायरल होत आहे.

या व्हायरल व्हिडीओवर नेटकऱ्यांनी प्रतिक्रिया देत तरुणाविषयी सहानुभूती व्यक्त केली. काही नेटकऱ्यांनी या अशा प्रकारामुळे विवाहबाह्य संबंध आणि हिंसक गुन्ह्यांमध्ये वाढ होत असल्याचे म्हटले आहे. एक नेटकऱ्याने कमेंटमध्ये लिहिले की, 'लग्नानंतर ते त्यांच्या जोडीदाराशी एकनिष्ठ का राहू शकत नाहीत? आणि जर ते करू शकत नसतील तर ते लग्न करण्यास नकार का देत नाहीत? आणि तिसऱ्या व्यक्तीचे आयुष्य का खराब करतात? हे किती वाईट आहे?" असा प्रश्न एका एक्स वापरकर्त्याने विचारला. तर आणखी एका नेटकऱ्याने कमेंटमध्ये लिहिले की, 'या महिलांनी संस्कृती आणि लग्नाचा आदर नष्ट केला आहे. परंतु अशा कृत्यांना आळा घालण्याऐवजी, कायदा प्रत्यक्षात पतीला पोटगी देण्यास सांगेल.'