हा व्हायरल होणारा व्हिडीओ पाहून तुमच्या डोळ्यात पाणी येईल. कारण जुलै 2025 मध्ये जन्मलेल्या सात महिन्यांच्या माकडाच्या पिलाला आईनं प्रसूतीच्या वेदना आणि उष्णतेच्या लाटेमुळं सोडून दिलं. ही घटना मनाला चटका लावणारीच आहे. मात्र आईविना हे पिल्लू हवालदिल झालं..सैरभैर झालं. पिल्लाचा एकटेपणा कमी करण्यासाठी आणि त्याला तणावातून बाहेर काढण्यासाठी प्राणीसंग्रहालयाने नामी युक्ती शोधली. झू च्या कर्मचाऱ्यांनी चक्कं एक बाहुली या माकडाला दिली. आणि ही युक्ती कामी आली. कारण पिल्लाचा या बाहुलीवर जीव जडला.

पांची कुननेने बाहुलीलाच आई समजलं. हे पिलू त्याच्या कुशीत आईच्या मायेची ऊब घेतोय. बाहुलीला दिवसभर पाठीवर घेऊन फिरतंय. त्या बाहुलीला जवळ घेऊन झोपताना दिसतंय.. खरंच ही छोटीशी बाहुली पिलासाठी भावनिक आधार बनलीय.

जपानच्या इचिकावा सिटीतील प्राणीसंग्राहलयातील हृदयस्पर्शी कहाणी जगभरातील लोकांच्या हृदयाला भिडलीय. तर या छोट्याशा पिलाला पाहण्यासाठी झू मध्ये पर्यटकांची गर्दी वाढलीय. माणूस असो किंवा प्राणी आईशिवाय त्याचं जीवन अधूरच आहे. आईची माया कोणी देऊ शकत नाही. तिच्या प्रेमाची उब ज्याला मिळते. तो भाग्यवानच. हे माकडाचं पिल्लू जेव्हा मोठं होईल तेव्हा या बाहल्याबरोबर त्याचं नातं कसं असेल याची उत्सुकता आहे.