सोलापूर जिल्ह्यामध्ये पंढरपूर या ठिकाणी अप्पर जिल्हाधिकारी कार्यालयाला मंजुरी मिळालीय...यामुळे पंढरपूर वेगळा जिल्हा होणार का याबाबत सध्या सोशल मीडियामध्ये चर्चा सुरू आहेत...या बातमीची पडताळणी करण्यासाठी आमच्या व्हायरल सत्य टीमने थेट सोलापूर जिल्हाधिकारी कार्यालय गाठलं...आणि अप्पर जिल्हाधिकारी यांच्याकडून याबाबत अधिक माहिती जाणून घेतली...

...हा व्हिडिओ पाहिल्यानंतर आता महाराष्ट्राला 37 वा जिल्हा मिळणार असल्याची चर्चा सुरू झालीय...सोलापूर जिल्ह्यात तब्बल 11 तालुके आहेत...यामुळे तब्बल 100 ते 150 किलोमीटरचा प्रवास करून सोलापूर जिल्हाधिकारी कार्यालय गाठावं लागतं...मात्र, आता अप्पर जिल्हाधिकारी कार्यालयाला मान्यता दिल्याचा दावा केलाय...पण, खरंच अप्पर जिल्हाधिकारी कार्यालयाला मान्यता दिल्याने नवीन जिल्हा निर्माण केला जाणार आहे का...? याची आम्ही पडताळणी सुरू केली...

पंढरपूर अप्पर जिल्हाधिकारी कार्यालयाला मान्यता

प्रशासनावरील ताण कमी होईल

नागरिकांचा प्रवास वाचेल, काम लवकर मार्गी लागेल

पंढरपूर वेगळा जिल्हा निर्माण होणार नाही

सोलापूर जिल्ह्यात तब्बल 11 तालुके आहेत.यामध्ये काही नागरिकांना तब्बल शंभर किलोमीटरच्या प्रवास करून सोलापूर जिल्हाधिकारी कार्यालय गाठायला लागते...मात्र, आता पंढरपूर या ठिकाणी अप्पर जिल्हाधिकारी कार्यालयाला मान्यता मिळाल्याने हा प्रवास कमी होणार आहे...पंढरपूर अप्पर जिल्हाधिकारी कार्यालयाला 7 तालुके जोडले जाणार असून सोलापूर जिल्हाधिकारी कार्यालयाकडे 4 तालुक्यांचे काम पहिले जाणार आहे...यामुळे प्रशासनावरील ताण कमी होईल आणि नागरिकांची सोय होणार आहे...त्यामुळे आमच्या पडताळणीत पंढरपूर हा वेगळा जिल्हा होणार असल्याचा दावा असत्य ठरलाय...