Africa News:

प्रत्येक देशानुसार, गावानुसार तेथील व्यक्तींच्या खाण्यापीण्याच्या सवयी वेगळ्या असतात. भारतात नॉनवेज प्रेमी चिकन, मटण, मासे खातात. मात्र भारताबाहेर विविध देशांमध्ये लोकांच्या चवी वेगवेगळ्या आहेत. चीनमध्ये वटवाघूळ देखील खाल्ल जातं. तर अफ्रिकेमध्ये काही व्यक्ती अशी गोष्ट खात आहेत ज्याचा आपण कधीही विचार केला नसेल. (Latest Marathi News)

अफ्रिकेच्या एका गावात मच्छरचा बर्गर बनवून खाल्ला जातोय. मच्छर किंवा माशी पकडणे फार कठीण असते. मात्र अफ्रिकेत एका गावात मच्छर टोप, पातेलं, तवा यांच्या सहाय्याने पकडले जात आहेत. एक दोन नाही तर अगदी एखाद्या बर्गरच्या आकाराऐवढा मच्छारांचा गठ्ठा गोळा केला जातो.

या व्यक्ती जमा केलेल्या मच्छरांना मारतात आणि तव्यावर बर्गर, वडी असे विविध आकार देत त्यांना तळून काढतात. सध्या मॉस्कीटो बर्गरचा हा व्हिडीओ सोशल मीडियावर व्हायरल झाला आहे. @thecompletefacts या इंस्टाग्राम अकाउंटवर हा व्हिडीओ पोस्ट करण्यात आला आहे.

व्हिडीओ पोस्ट करत मॉस्कीटो बर्गरची माहिती दिली आहे. पावसाळ्याच्या दिवसात नदीकाठावर खुप जास्त प्रमाणात मच्छर येतात. हे मच्छर इतके जास्त असतात की, यांच्या झुंडमुळे एखाद्या व्यक्तीला श्वास घेण्यासही त्रास होईल. मच्छरांच्या या समस्येपासून आपला बचाव व्हावा म्हणून येथील नागरिकांनी त्यांना खाण्यास सुरुवात केली.

आता येथील व्यक्ती मच्छरांचा हा बर्गर मोठ्या आवडीने खातात. मच्छरांचा बर्गर बनवण्यासाठी ते फक्त मच्छरांना तव्यावर फ्राय करतात आणि त्यावर मिठ टाकून खातात.