Dhak Dhak Karne Laga: रोजच्या धकाधकीच्या जीवनात चेहऱ्यावर थोडं हसू येण्यासाठी प्रत्येक व्यक्ती मनोरंजनाच्या साधनांकडे वळतो. अशात मनोरंजनाच्या या साधनांमध्ये कुणी चित्रपट पाहतं, तर कुणी पुस्तक वाचतं. तरुण मुलं-मुली शक्यतो मनोरंजन म्हणून नेहमीच सोशल मीडियावर अॅक्टीव दिसतात. अशात सध्या सोशल मीडियावर एका तरुणीच्या डान्सचा व्हिडिओ जोरदार व्हायरल झाला आहे. (Latest Marathi Video)

अभिनेत्री माधूरी दिक्षितने आपल्या काळात अनेक रोमँटीक गाण्यांवर जबरदस्त डान्स केला आहे. तिचं धक धक करने लगा हे गाणं तुम्ही सर्वांनी ऐकलंच असेल. या गाण्याने त्या काळात तरुणाईला वेड लावलं होतं. आजही या गाण्याची क्रेज काही कमी झालेली नाही. त्यामुळे आता एका तरुणीने या गाण्यावर ताल धरला आहे. तिच्या डान्सचा व्हिडिओ सोशल मीडियावर तुफान व्हायरल होत आहे.

गाण्यात तरुणीने गुलाबी रंगाची साडी नेसली आहे. तसेच साडीवर शोभेल असा गुलाबी ब्लाउज परिधान केला आहे. हातातही तिने गुलाबी रंगाच्या बांगड्या आणि मोठ्या हिऱ्यांचे कानातले घातले आहेत. सुंदर मेकअप अन् मोकळे केस सोडून तरुणी एका अभिनेत्रीपेक्षाही सुंदर दिसत आहे. तिने धक धक करने लगा या गाण्यावर डान्सचा व्हिडिओ रेकॉर्ड केलाय.

धक धक करने लगा या गाण्यात माधूरीने जसा ठेका धरला होता अगदी त्याच प्रकारे ही अभिनेत्री देखील एकापेक्षा एक भन्नाट डान्स स्टेप्स करत आहे. श्रीतमा बैद्य असं या तरुणीच्या युट्यूब चॅनलचं नाव आहे. तरुणी एक डान्सर असून सोशल मीडियावर तिचे लाखो चाहते आहेत. तिने आपल्या युट्यूब चॅनलवर डान्सचे अनेक व्हिडिओ पोस्ट केलेत. अशात धक धक करने लगा या गाण्यावरील तिचा व्हिडिओ प्रचंड व्हायरल झालाय. युजर्स तिच्या डान्सचं कौतुक करत आहेत.