शेती कामात बळीराजाचा ताण हलका कोणी करत असेल तर सर्जा-राजा. याच बैलांवर बळीराजाची मोठी माया असते. शर्यतीत धावण्यातही बैल मागे नाही. शर्यतीत वेगाने धावणारे बैल तुम्ही अनेकदा पाहिले असतील. मात्र, बैलाची विमान उडी पाहिलीय का? नाही ना. बैलाने हरणासारखी घेतलेल्या उडीचा व्हिडिओ सोशल मीडियावर प्रचंड व्हायरल होत आहे. व्हिडिओ पाहून डोळे विस्फारले जातील आणि तोंड आपोआप उघडले जाईल, अशी बैलाची उडी आहे. या व्हिडिओचे कोकण हार्टेड गर्ल अंकिता वालावलकरने मालवणी भाषेत वर्णन केलं आहे. तिच्या गोड मालवणी भाषेचा व्हिडिओ सोशल मीडियावर प्रचंड व्हायरल होत आहे.

सोशल मीडियावरील इन्फ्लुएन्सर अंकिता वालावलकरने तिच्या खास शैलीत बातमी सादर केली. तिने सादर केलेली बातमी सोशल मीडियावर प्रचंड व्हायरल होत आहे. तिचा व्हिडिओ सोशल मीडियावर प्रचंड व्हायरल होत आहे. अंकिताचा बातमी सादरीकरणाचा व्हिडिओ सोशल मीडियावर आतापर्यंत लाखो लोकांनी पाहिला आहे.

व्हायरल व्हिडिओमध्ये काय आहे?

सोशल मीडियावर व्हायरल होणाऱ्या व्हिडिओत बैलगाडा शर्यत सुरु आहे. ही शर्यत पाहण्यासाठी शेकडो लोक उपस्थित दिसत आहेत. उन्हा-तान्हाची पर्वा न करत शेकडो लोक बैलगाडा शर्यत पाहत आहेत. या शर्यतीत बैल अतिशय वेगाने पळताना दिसत आहेत. या शर्यतीतील एका बैलाची उडी पाहून सारे हैराण झाले आहेत. बैलाच्या उडीचा क्षण काहीजण पाहतच राहिले.

दरम्यान, अंकिता वालावलकरच्या बातमी सादरीकरणाचा व्हिडिओ नेटकऱ्यांना चांगलाच आवडला आहे. अंकिताच्या बातमी सादरीकरणाचा व्हिडिओ अपलोड होताच हजारो लाकंनी लाईक्स दिले. अंकिताचा व्हिडिओ २० लाखांहून अधिक लोकांनी पाहिला आहे.

कोण आहे अंकिता वालावलकर?

अंकिता वालावलकर ही एक मराठी सोशल मीडिया इन्फ्लुएन्सर, यूट्यूबर आहे. ती बिग बॉस मराठी 5 च्या कार्यक्रमातही सहभागी झाली होती. अंकिताला 'कोकण हार्टेड गर्ल' म्हणूनही ओळखले जाते. मालवणच्या अंकिताने इंजिनीअरिंगचे शिक्षण पूर्ण केले आहे.