Viral Video News: बॉलिवूडच्या गाण्यांची भुरळ परदेशातही पाहायला मिळत आहे. भारतीय व्यक्ती जगात कुठेही गेला तरी मायदेशातील गाणे विसरत नाही. याची प्रचिती पुन्हा एकदा आली आहे. लंडनमध्ये भारतीय तरुणाने एक सुंदर हिंदी गाणं गायलं आहे. या तरुणाचा गाणं गातानाचा व्हिडिओ सोशल मीडियावर प्रचंड व्हायरल झाला आहे. (Latest Marathi News)

तरुणाने लंडनमध्ये रस्त्यावर बसून 'पहला नशा, पहला खुमार' हे गाणं गायलं आहे. हे गाणं नव्वदच्या काळातील खूपच प्रसिद्ध गाणं आहे. 'पहला नशा, पहला खुमार' या गाण्याचे मूळ गायक उदीत नारायण आणि साधना सरगम आहेत. 'जो जीता वही सिंकदर' या सिनेमातील हे गाणं आहे. नव्वदच्या काळातील हे गाणं आजही प्रचंड गाजताना दिसत आहे.

तरुणाने लंडनमधील रस्त्यावर म्युझिक सिस्टिम घेऊन हे गाणं गायलं आहे. या तरुणाने गायलेलं गाणं नेटकऱ्यांना प्रचंड आवडलं आहे. या व्हिडिओवर नेटकऱ्यांनी प्रतिक्रियांचा पाऊस पाडला आहे. इन्स्टाग्रामवर 'विश' या इन्स्टाग्राम अकाऊंटवरून हे गाणं शेअर करण्यात आले आहे.

तरुणाच्या गाण्याला सुंदर आवाजाला आतापर्यंत अनेक जणांनी दाद दिली आहे. सोशल मीडियावर आतापर्यंत लाखो जणांनी गाण्याचा व्हिडिओ पाहिला आहे. लंडन आणि भारतातील नेटकऱ्यांनाही हा व्हायरल व्हिडिओ भावला आहे.

या तरुणाने लंडनमधील 'ऑक्सफोर्ड स्ट्रीट' या ठिकाणी गाण्याचं सादरीकरण केलं आहे. एका नेटकऱ्याने म्हटले आहे की, 'तू खूपचं सुंदर गाणं गायलं आहे. अफलातून आवाज आहे'. सोशल मीडियावरील युजरने या तरुणाच्या आवाजाचं कौतुक केलं आहे.