Gautami Patil Viral Video:

सबसे कातील म्हटलं की, तोंडून अपसूकच गौतमी पाटील हे नाव ओठांवर येतं. गौतमीच्या गाण्याने आणि डान्स स्टेप्सने आजवर लाखो चाहत्यांच्या मनावर राज्य केलं आहे. सुरुवातीला वादाच्या भोवऱ्यात सापडल्यानंतर गौतमीची क्रेझ आता सर्वत्र पसरली आहे. अशात सोशल मीडियावर गौतमीचा एक व्हिडीओ व्हायरल होत आहे.

व्हिडीओमध्ये गौतमीने दिलेली ऑफर एका तरुणाने रिजेक्ट केल्याचं दाखवण्यात आलंय. व्हिडीओमध्ये तुम्ही पाहू शकता की, गौतमी मी येत आहे तुम्ही पण या असं म्हणत आहे. त्यावर या तरुणाने व्हिडीओ एडिट करून नको नको असं म्हणत स्वत:चा व्हिडीओ तेथे पोस्ट केला आहे. त्यामुळे संपूर्ण व्हिडीओ पाहिल्यावर गौतमीची ऑफर त्याने रिजेक्ट केल्याचं वाटतंय.

मात्र तसं काही नसून गौतमीचा हा व्हिडीओ एका कार्यक्रमासाठीचा आहे. एखाद्या ठिकाणी कार्यक्रमाचे आयोजन केल्यानंतर त्याच्या जाहिरातीसाठी गौतमी अशा पद्धतीचे व्हिडीओ रेकॉर्ड करत असते. मात्र या तरुणाने तिचा हाच व्हिडीओ एडीट केलाय आणि त्यावर मीम्स बनवलं आहे. @shrabh_g_mulla या इंस्टाग्राम अकाऊंटवर हा व्हिडीओ पोस्ट करण्यात आला आहे. आता हा व्हिडीओ सोशल मीडियावर व्हायरल होत असून गौतमी पुन्हा एकदा चर्चेत आली आहे.

गौतमी पाटील तिच्या कार्यक्रमांमुळे नेहमीच चर्चेच असल्याचं पाहायला मिळतं. कार्यक्रमात तरुणांनी केलेला राडा, गोंधळ यांसह गौतमीच्या अदा आणि डान्स यांचे आजवर सोशल मीडियावर अनेक व्हिडीओ व्हायरल झाले आहेत.

काल देखील लातूरमध्ये गौतमी पाटीलच्या कार्यक्रमात तरुणांनी हुल्लडबाजी करत राडा केला. यावेळी गर्दीला पांगवण्यासाठी पोलिसांनी सौम्य लाठीचार्ज केला होता. त्यानंतर पोलिसांनी गौतमी पाटीलचा कार्यक्रम बंद केला. या कार्यक्रमातील व्हिडीओ देखील व्हायरल होत आहेत तसेच गौतमीवर बनवलेला हा मीम्स व्हिडीओ देखील जोरदार व्हायरल होतोय.