Ganpati Bappa:

गणेशोत्सवानिमित्त सर्वत्र धुमधाम पाहायला मिळत आहे. अनेकांच्या घरी गणरायाचे आगमन आजच झाले आहे. बाप्पा घरी आल्याने वातावरण अगदी प्रसन्न झालंय. बाप्पाच्या आगमनाचे अनेक व्हिडीओ सोशल मीडियावर व्हायरल होत आहेत. मात्र या सर्वांमध्ये एका चिमुकलीच्या व्हिडीओने सर्वांनाच भूरळ घातली आहे. (Latest Cute Girl Viral Video)

लहान मुलं म्हणजे देवाघरची फुलं असं म्हणतात. तर व्हायरल व्हिडीओमध्ये एक चिमुकली गणपती बाप्पासमोर बसली आहे. बाप्पाकडे ती बोबड्या बोलांत आशिर्वाद मागतेय. तसेच एवढीशी मुलगी बाप्पाला तुला लाडू पाहिजे का? तुला देऊ का लाडू असं विचारत आहे. चिमुकलीने चक्क गणरायाला तुला लाडू देऊ का? असं विचारल्याने सारेच तिचं कौतुक करतायत.

गणपतीच्या दिवसांमध्ये सगळीकडेच उत्साह आणि गोडधोड मिठाई खाण्याची मज्जा असते. अशात मोदक खायला आणि लाडू खायला सर्वांनाच आवडतं. या चिमुकलीने देखील बाप्पाला सुद्ध लाडू हवा असेल असं समजून गणरायाला प्रश्न विचारला आहे.

चिमुकली अगदी निरागसपणे बाप्पाशी संवाद साधत आहे. तु मला बरं ठेव. मला मोठं कर, असं ही चिमुकली बाप्पाला सांगत आहे. सध्या चिमुकलीचा व्हिडीओ सोशल मीडियावर जोरदार व्हायरल झाला आहे. @DaminiBinnar या इंस्टाग्राम अकाउंटवर हा व्हिडीओ पोस्ट करण्यात आला आहे. या इंस्टा अकाउंटवर तिचे अनेक व्हिडीओ आहेत.

नेटकऱ्यांनी चिमुकलीच्या व्हिडीओवर विविध कमेंट केल्यात. अनेकांनी यावर हार्ट इमोजी पोस्ट केलेत. तसेच काहींनी चिमुकलीला खुप खुप आशीर्वाद दिले आहेत. तिच्या बोलण्याचं कौतुकही केलं आहे.