सध्या एक व्हिडिओ आता प्रचंड व्हायरल होतोय...पाणीपुरीवाला गटारातील पाणी हे पुरीच्या पाण्यात टाकत असल्याचं दिसतंय...हा पाणीपुरीवाला ग्राहकांच्या जीवाशी खेळत असल्याचं दिसतंय...या व्हिडिओवरून लोकांनी संताप व्यक्त केलाय...आणि हा पाणीपुरीवाला कुठला आहे याचा शोध घेण्याची मागणी केलीय...पण, खरंच हा पाणीपुरीवाला ग्राहकांच्या आरोग्याशी खेळतोय का...? याने गटारातील पाणी वापरलंय का...? याची आम्ही पडताळणी सुरू केली...

पाणीपुरीवाल्याकडून आरोग्याशी खेळ?

...हा विषय सगळ्यांच्या आरोग्याचा आहे...कारण, बरेच जण आवडीने पाणीपुरी खातात...आणि जर असे पाणीपुरीवाले अस्वच्छ पाणी वापरत असतील तर गंभीर आहे...त्यामुळे या व्हिडिओची सत्यता समोर आणणं गरजेचं आहे...आमच्या व्हायरल सत्य टीमने पडताळणी सुरू केली...याबाबत अधिक माहिती मिळवली...व्हिडिओ आम्ही नीट तपासून पाहिला...त्यावेळी या व्हिडिओत थोडी गडबड दिसली...

त्यामुळे आमच्या पडताळणीत काय सत्य समोर आलं पाहुयात...

व्हायरल सत्य

-साम इन्व्हिस्टिगेशन

पाणीपुरी विक्रेत्याचा व्हिडिओ हा खरा नाही

व्हायरल व्हिडिओ एआयच्या माध्यमातून बनवलाय

पाणीपुरी अनेकजण खात असल्याने व्हिडिओ व्हायरल

पाणीपुरी खवय्यांची दिशाभूल करण्याचा प्रयत्न

सध्या एआयच्या माध्यमातून बरेचजण व्हिडिओ तयार करतात...प्रत्येकाच्या मोबाईलमध्ये AI मध्ये कोणताही व्हिडिओ बनवू शकतो...असेच व्हिडिओ बनवून व्हायरल केले जातात...आणि काहींना हे व्हिडिओ खरे वाटतात...मग ते पुढे पाठवतात...यामुळे दिशाभूल होते...त्यामुळे आमच्या पडताळणीत पाणीपुरीच्या पाण्यात गटारीचं पाणी वापरल्याचा दावा असत्य ठरलाय..