• सोशल मीडियावर E20 पेट्रोलबाबत व्हिडिओ व्हायरल

• पेट्रोल टँकला मुंग्या लागण्याचा दावा करण्यात आला

• तज्ज्ञांच्या पडताळणीत इंधनात साखर नसल्याचे स्पष्ट

• त्यामुळे व्हायरल दावा पूर्णपणे खोटा ठरला

E20 इथेनॉल मिश्रित पेट्रोलमुळे टाकीला मुंग्या लागल्याचा दावा करणारा व्हिडिओ समोर आलाय. इथेनॉलमध्ये साखरेचं जास्त प्रमाण असल्याने मुंग्या लागल्याचा दावा करण्यात आलाय. पण, खरंच पेट्रोलच्या टाकीला इथेनॉलमुळे मुंग्या लागल्यायत का? याची आम्ही पडताळणी केली. त्यावेळी काय सत्य समोर आलं पाहुयात...

हा व्हिडिओ पाहा. या व्हिडिओमध्ये पेट्रोलच्या टँकला मुंग्या लागल्याचं दिसतंय. E20 इथेनॉल मिश्रित पेट्रोलमुळे मुंग्या आकर्षित झाल्याचा दावा करण्यात आलाय. इथेनॉल बनवण्यासाठी उसाचा वापर करतात आणि यात सारखेचं प्रमाण जास्त असल्याने मुंग्या लागल्याचा दावा करण्यात आलाय. पण, खरंच E20 इथेनॉल मिश्रित पेट्रोलमुळे या मुंग्या लागल्यायत का? हा प्रश्न उपस्थित होतोय.

सोशल मीडियावर हा व्हिडिओ व्हायरल होत असल्याने अनेकजण संभ्रमात आहेत. आता E20 इथेनॉल मिश्रित पेट्रोलचा मोठ्या प्रमाणात वापर केला जातोय. त्यातच हा व्हिडिओ समोर आलाय.पेट्रोल टाकीच्या झाकणाभोवती शेकडो मुंग्या फिरताना या व्हिडीओमध्ये दिसतंय. काहींनी तर इथेनॉल हे ऊसापासून तयार होत असल्याने त्यामध्ये साखरेचे अंश राहतात आणि त्यामुळे मुंग्या येतात, असा दावा केला. मात्र या दाव्यामागचे सत्य काय आहे? याची पडताळणी आम्ही तज्ज्ञांकडून केली.

त्यामुळे आमच्या पडताळणीत काय सत्य समोर आलं पाहुयात. भारतामध्ये सध्या E20 पेट्रोलचा वापर वाढतोय. E20 म्हणजे 80% पेट्रोल आणि 20% इथेनॉलचे मिश्रण आहे. इथेनॉल ऊस, मका आणि इतर जैविक स्रोतांपासून तयार करतात. उत्पादन प्रक्रियेनंतर इंधनात साखरेचे अंश शिल्लक राहत नाहीत. पेट्रोलमध्ये साखर असल्यामुळे मुंग्या लागतात हा दावा चुकीचा आहे.

व्हायरल व्हिडिओमध्ये पेट्रोल टाकीजवळ मुंग्या दिसत असल्या, तरी त्याचा थेट संबंध E20 पेट्रोलमधील साखरेशी जोडणे चुकीचे आहे. सध्या उपलब्ध वैज्ञानिक पुराव्यांनुसार मुंग्या इंधन खाण्यासाठी पेट्रोल टाकीकडे येतात, असे कोणतेही निष्कर्ष समोर आलेले नाहीत. त्यामुळे आमच्या पडताळणीत E20 इथेनॉल मिश्रित पेट्रोलमध्ये साखर असल्यामुळे मुंग्या आकर्षित होतात, हा दावा असत्य ठरलाय.