आम्ही व्हायरल होत असलेल्या मेसेजची पडताळणी करतो आणि त्याची सत्यता समोर आणतो. अभिनेत्री दीपिका पादुकोणनं सोनम वांगचुक यांच्या उपोषणाला समर्थन दिल्याचा दावा करण्यात आलाय. यावेळी तिने सरकारवरही निशाणा साधल्याचा दावा करण्यात आलाय. पण, खरंच दीपिकाने इंन्स्टावर पोस्ट केलीय का? याची आम्ही पडताळणी केली. त्यावेळी काय सत्य समोर आलं पाहुयात.

व्हायरल मेसेज

तो उपवास करत आहे. आम्ही फक्त स्क्रोल करत आहोत.याबद्दल कोणीच का बोलत नाहीये? आपण लोकशाहीच्या सर्वात वाईट टप्प्यातून जात आहोत. दीपिकाच्या कथित व्हायरल इंस्टाग्राम स्टोरीमध्ये ही पोस्ट लिहिण्यात आल्याचा दावा करण्यात आलाय. दीपिकाने सध्याच्या परिस्थितीवर दुःख व्यक्त केलंय..पण, खरंच दीपिकाने इन्स्टाग्राम पोस्ट करून सोनम वांगचुंक यांना पाठिंबा दर्शवलाय का? याची सत्यता जाणून घेण्यासाठी आम्ही दीपिकाने इन्स्टावर पोस्ट शेअर केलीय का? हे तपासून पाहिलं. मात्र, आम्हाला कुठेही अशी पोस्ट दिसली नाही. त्यामुळे आमच्या पडताळणीत काय सत्य समोर आलं पाहुयात.

व्हायरल सत्य - साम इन्व्हिस्टिगेशन

दीपिका पदुकोणच्या नावाने व्हायरल पोस्ट बनावट

दीपिकाने वांगचुक यांच्या समर्थनार्थ पोस्ट केलेली नाही

दीपिकाच्या व्हेरिफाईड अकाउंटवर कोणतीही पोस्ट नाही

बनावट पोस्ट डिजिटल पद्धतीने एडिट करून सोशल मीडियावर मोठ्या प्रमाणावर शेअर केली जातेय. दीपिकाने ही पोस्ट केली आणि नंतर डिलीट केली, असाही काहींनी दावा केला.अनेक बडे कलाकार नीट पेपरफुटी आणि सोनम वांगचुक यांच्या उपोषणावर गप्प राहिले आहेत. असं असलं तरी अनेक सेलिब्रिटींनी पाठिंबाही दर्शवलाय. यामध्ये अनुराग कश्यप, नसीरुद्दीन शाह यांच्यापासून विशाल दादलानी, अतुल कुलकर्णी यांच्यापर्यंतच्या नावांचा समावेश आहे. मात्र, अभिनेत्री दीपिकाने वांगचुंक यांच्या उपोषणाला समर्थन दिल्याचा दावा आमच्या पडताळणीत असत्य ठरलाय.