Mumbai local train Viral News: मुंबईकरांची लाईफलाईन म्हणजे लोकल ट्रेन. बहुतांश मुंबईकर कामासाठी लोकल ट्रेनने प्रवास करतात. या लोकल ट्रेनमध्ये अनेक धम्माल किस्से देखील घडत असतात. काही दिवसांआधी ट्रेनमध्ये एका तरुणीचा डान्स करतानाचा व्हिडिओ सोशल मीडियावर व्हायरल झाला होता. त्यानंतर आता सलमान सारखा दिसणाऱ्या तरुणाचा नाचतानाचा एक व्हिडिओ सोशल मीडियावर व्हायरल झाला आहे. या व्हिडिओवरून नेटकऱ्यांमध्ये एकच चर्चा रंगली आहे. (Latest Marathi News)
मुंबईच्या लोकल ट्रेनमध्ये अनेकवेळी प्रवाशांना बसायला जागा नसली तरी ही लाईफलाईन सर्वांनाच हवीहवीशी आहे. मुंबई लोकल ट्रेनमधील गाणे गाणाऱ्यांचे आणि तरुण-तरुणांचे नाचतानाचे अनेक व्हिडिओ व्हायरल होत असतात. या व्हायरल व्हिडिओची सोशल मीडियावर प्रचंड चर्चा होत असते. अशाच प्रकारचा एक व्हिडिओ सोशल मीडिया व्हायरल झाला आहे.
या व्हिडिओत दिसत आहे की, सलमान सारख्या दिसणाऱ्या तरुणाने चक्क धावत्या लोकल ट्रेनमध्ये हटके डान्स केला आहे. अनेक प्रवाशांनी त्याच्या डान्सला प्रवाशांनी मनापासून दाद देताना दिसत आहे.
अनेक प्रवासी या तरुणाचा डान्स करतानाचा क्षण कॅमेरात कैद करताना दिसत आहे. या तरुणाचा डान्स पाहताना प्रवाशांच्या चेहऱ्या हसू उमटत होतं. तरुणाच्या डान्सने साऱ्याचं लक्ष वेधून घेतलं. या तरुणाचा डान्स पाहून कामावरून सुटलेल्या कर्मचाऱ्यांचा थकवाच गेल्याचे दिसून येत आहे.
धावत्या लोकल ट्रेनमध्ये सलमान सारख्या दिसणाऱ्या तरुणाचं नाव झोएब सय्यद आहे. झोएब सय्यद हा कलाकार आहे. झोएबचा इन्टाग्रामवर मोठा चाहता वर्ग आहे. झोएबने अनेक कार्यक्रमात सलमान खानची (Salman Khan) भूमिका साकारली आहे. सलमान खान सारखा दिसणाऱ्या झोएबला अनेक जण कार्यक्रमासाठी आमंत्रित करतात.
झोएब अनेकदा सलमानचे डायलॉग बोलून लोकांना खूश करत असतो. झोएब कपडेही सलमान खान सारखेच घालताना दिसतो. झोएब हा सोशल मीडियावर सक्रिय असतो. झोएब सलमानच्या गाण्यावरील रील्स आणि सलमान स्टाईलमधील फोटो त्याच्या चाहत्यांना शेअर करत असतो. त्याच्या फोटोंवर चाहत्यांकडून कमेंटसचा वर्षाव होतो.
दरम्यान, काही दिवसांपूर्वी ट्रेनमध्ये नाचणाऱ्या तरुणीचा व्हिडिओ व्हायरल झाला होता. लोकल ट्रेनमध्ये तरुणी थेट सीटवर बसली होती. अचानक ही तरुणी सीटवर बसूनच नाचू लागली होती. तिचा डान्स पाहून आजूबाजूचे प्रवासी चकीत झाले होते. सीटवर बसलेल्या सर्वांचं लक्ष तिच्याकडे गेले होतं. मात्र, तरुणी मात्र प्रवाशांना न लाजता नाचत होती . सीमा कनोजिया असं या तरुणीचं नाव आहे. या तरुणीचा व्हिडिओ देखील अनेकांच्या चर्चेचा विषय ठरत आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.