आजकाल प्रत्येकजण आपल्या फिटनेसची खूप काळजी घेतो. आपण चांगले दिसावे, शरीर निरोगी राहावे. यासाठी अनेकजण डाएट करतात. डाएट करताना फास्ट फूड, तेलकट, तुपाचे पदार्थ खायचे नसतात. डाएट करताना अनेकांना आपले आवडीचे पदार्थ खायला मिळत नाही. अनेकजण पाणीपुरी, छोले भटुरे, वडापाव असे पदार्थ वर्षानुवर्षे खात नाही. परंतु तुम्हाला कोणी सांगितले की, छोले भटुरे खाऊन तुम्ही वजन कमी करु शकता तर? आश्चर्याचा धक्का बसेल ना. असाच एक व्हिडिओ सध्या सोशल मीडियावर व्हायरल होत आहे.

आतापर्यंत आपण छोलो भटुरे खालल्याने वजन वाढते. तेलकट खालल्याने शरीरावर वाईट परिणाम होतो, असं ऐकलं असेल. मात्र, दिल्लीतील एका हॉटेलमध्ये चक्क छोले भटुरे खाऊन वजन कमी करु शकता, असा बोर्ड लावण्यात आला आहे.

मिळालेल्या माहितीनुसार, हे पोस्टर दिल्ली गोपालजींच्या छोले-भटुरेंच्या दुकानात लावण्यात आले आहे. छोले भटुरे खालल्याने शरीरातील कॅलरीज वाढतात. त्यामुळे वजन वाढते. परंतु छोले भटुरे खालल्याने वजनदेखील कमी होऊ शकते, असा पोस्टर व्हायरल होत आहे. या पोस्टमध्ये 'छोले भटुरे खा, वजन कमी करा आणि आजारांपासून सुटका', असं लिहण्यात आले आहे.

या पोस्टवर नेटकऱ्यांनी लाईक्स आणि कमेंट्सचा वर्षाव केला आहे. अरे व्वा! म्हणजे आता डाएटसाठी स्पेशल छोले भटुरे, वजन कमी करण्यासाठी असेल तर ग्राहकांच्या रांगा लागतील. मार्केटिंग साठी खरच भारी आयडिया, अशा कमेंट्स या पोस्टवर आल्या आहे.