Car Accident Viral Video:

लहान बाळ जन्माला येतं तेव्हाचं त्याचं नशिब लिहिलं जातं, असं म्हणतात. प्रत्येक व्यक्तीच्या आयुष्यात जेवढं आयुष्य लिहिलंय तेवढं त्यांना जगावच लागतं. तर काही व्यक्तींना अनपेक्षितपणे मृत्यू ओढावतो. अशात सोशल मीडियावर असाच एक चकित करणारा व्हिडीओ समोर आला आहे.

अनेक साध्या आणि शुल्लक अपघातांमध्ये व्यक्तीचा मृत्यू होत असतो. मात्र काळ आसा होता आणि वेळ नाही, या म्हणीची प्रचिती व्हायरल होत असलेल्या व्हिडीओमधून समोर आली आहे. व्हिडीओमध्ये तुम्ही पाहू शकता की, एक लहान चिमुकली खेळता खेळता बाहेर रस्त्यावर आलीये.

खेळता खेळता ती बाहेर आली तरी तिच्याकडे कुणाचही लक्ष जात नाही. चिमुकली रस्त्यावरून पुढे जात असते. तितक्यात समोरून एक कार भरधाव वेगात समोर येते. कार पाहून चिमुकली टर्न होते आणि... सुखरुप वाचते. मागे पुन्हा फिरल्याने कार तिला अगदी खेटून गेली असली तरी तिला कोणतीही दुखापत होत माही.

मुलीने मागे फिरल्यावर कार थेट समोर असलेल्या दुसऱ्या एक कारवर आदळते. यावेळी कारच्या पुढील भागाचा पूर्णता चक्काचूर होतो. कारची अवस्थापाहून तुमच्याही लक्षात येईल की, चिमुकली किती मोठ्या अपघातापासून वाचली आहे. काळ आला होता पण वेळ आली नव्हती असं हा व्हिडीओ पोस्ट करत कॅप्शन लिहिलंय.

नेटकऱ्यांनी या व्हिडीओवर भन्नाट कमेंट केल्यात. यमराज 2 सेकंद लेट झाला असं एकाने कमेंटमध्ये म्हटलंय. तर आणखी एकाने गाडी चालकाचे आभार आहेत. तर आणखी एका व्यक्तीने बारक्या मुलाच्या आई बापाकडून नुकसानभरपाई घेतली पाहिजे, अशा शब्दांत संताप व्यक्त केला आहे. @viralinmaharashtra या इंन्स्टाग्राम अकाउंटवर हा व्हिडीओ पोस्ट करण्यात आला आहे.