लग्नाचं बंधन सात जन्माचं बंधन मानले जातं. सात जन्मापर्यंत हे बंधन तुटत नाही, पण कोडरमा येथील एका व्यक्तीला अवघ्या दोन महिन्यातच हे बंधन तोडण्याची वेळ आलीय. पत्नीच्या सवयीमुळे या व्यक्तीला दोन महिन्यातच नातं तोडण्याची वेळ आलीय. विशेष म्हणजे त्याने थेट पोलिसात न्यायाची दाद मागितली आहे. मोहम्मद एजाज असं या व्यक्तीचं नाव आहे. त्याने पत्नीच्या त्रासाला कंटाळून तिच्याविरोधात तिलैया पोलीस स्टेशनमध्ये तक्रार नोंदवली आहे.

काय आहे प्रकरण?

मोहम्मद एजाजचं ८ मे २०२४मध्येल चंपारण येथील महिलेसोबत लग्न झालं होतं. हे लग्न मुस्लीम रितीरिवाजांनुसार झालं होतं. मात्र लग्नानंतर सुमारे दोन महिन्यांनी घरची सून होण्यासाठी सासरच्यांनी तिच्यावर दबाव आणण्यास सुरुवात केली. सासरकडच्या लोकांचे ऐकलं नाही म्हणून त्याच्या पत्नीच्या स्वभावात मोठा बदल झाला. तिने कधीच वैवाहिक संबंध प्रस्थापित केले नाहीत.

मोहम्मद एजाज पुढे पोलिसांना सांगितलं की, त्याची पत्नी नेहमी मोबाईलवर कोणाशी तरी बोलत असायची. ही बाब एजाजच्या निर्दशनात आली. त्याला पत्नीची शंका आल्यानंतर त्याने पत्नीचा मोबाईल चेक केला. त्यात त्याला त्याच्या पत्नीची चॅटिग दिसली. एजाजची पत्नी तिच्या दाजीसोबत अश्लील चॅटिंग करत असल्याचं दिसून आलं.

एजाज आणि त्याच्या पत्नीमधील वाद वाढल्यानंतर एजाजच्या सासरच्यांनी पंजायतीसमोर हा विषय नेला. हे प्रकरण मिटवण्यासाठी पंचायतींच्या पंचांनी त्याच्याकडे दीड लाख रुपयांची मागणी केली. मग जेव्हा हे प्रकरण पंचायतीत सुटलं नाही तेव्हा हे प्रकरण पोलीस स्टेशनमध्ये पोहोचले. एजाजने सांगितले की, पत्नीचा छळ आणि मेव्हण्यासोबतच्या संबंधांमुळे तो खूप तणावाखाली आहे. न्याय न मिळाल्यास आपण आत्महत्या करू असं एजाजने पोलिसांना सांगितलंयं.