चमुंबई : मराठी सिनेसृष्टीतील अभिनेत्री आणि कलाकार सोशल मीडियावर प्रचंड सक्रिय असतात. रीलस्टारसोबत मराठी कलाकार आणि अभिनेत्रींनाही रिल्स तयार करण्याचं वेड लागलं आहे. मानसी नाईक ते क्रांती रेडकर यांचे रिल्स सोशल मीडियावर प्रचंड व्हायरल होतात. त्यात आता आणखी एक बिगबॉस फेम अभिनेत्री सोनाली पाटीलच्या नावाचा समावेश झाला आहे. अभिनेत्र सोनालीने क्रांती नाना मळेगावकरसोबत 'लव्ह कराव वाटतंय गं आता म्हातारपणात, या गाण्यावर रील तयार केला आहे. सोनालीचा हा रील आता चर्चेत आला आहे.

'मराठी बिग बॉस' या शोच्या सिझन ३ मध्ये अभिनेत्री सोनाली पाटीलने सहभाग नोंदवला होता. सोनालीने या शोमध्ये चांगली खेळली होती. सोनाली पाटीलने अभिनयाच्या जोरावर चित्रपट आणि मालिकांमध्ये काम करत मोठा चाहता वर्ग निर्माण केला आहे. याच सोनाली पाटीलचा आता नवा सिनेमा सिनेमागृहात येत आहे. 'जय भीम पँथर' असे या चित्रपटाचे नाव आहे. या सिनेमात सोनाली पाटीलची महत्वाची भूमिका आहे. 'जय भीम पँथर' सिनेमामुळे सोनाली चर्चेत आली आहे. याच मराठी बिगबॉस फेम अभिनेत्री सोनाली पाटीलचा एक रील चर्चेत आलाय.

सोशल मीडियावर प्रसिद्ध गायक आनंद शिंदे यांच्या गाण्यावरील रिल्स प्रचंड व्हायरल होतात. त्यांच्याच 'लव्ह कराव वाटतंय गं आता म्हातारपणात...'या प्रसिद्ध गाण्यावर सोनाली पाटीलने अभिनेता क्रांती नाना मळेगावकरसोबत रील केला आहे. या रिलमध्ये सोनाली पाटील डान्स करताना दिसत आहे. सोनालीचा रील सोशल मीडियावर व्हायरल होत आहे. चाहत्यांकडून तिच्या हावभावाचेही कौतुक केले जात आहे. क्रांती नाना मळगावकरने त्याचा इन्स्टाग्राम अकाऊंटवर हा रील शेअर केला आहे. या रीलला ५ हजारांहून अधिक लाईक्स मिळाले आहेत. तिच्या रीलवर कमेंट्सचा वर्षाव झाला आहे. तसेच शेकडो लोकांनी हा रील्स शेअर केला आहे.

दरम्यान, सोनाली पाटीलच्या कामाबद्दल बोलायचं झालं, तर तिने काही महिन्यांपूर्वी 'सोनी मराठी' वाहिनीवरून 'गाथा नवनाथांची' या मालिकेत झळकली होती. तिने 'वैजू नंबर वन', 'जुळता जुळता जुळतंय की', 'देवमाणूस' यांसारख्या लोकप्रिय मालिकेतही सोनालीने काम केलं आहे. तसेच तिने हिंदी मालिकेतही काम केलंय. 'वागले की दुनिया' या हिंदी मालिकेत सोनालीला काम करण्याची संधी मिळाली होती.