जगभरातील देशात पेट्रोल, डिझेल, सीएनजी आणि एलपीजीच्या किमती भडकल्या आहेत. इंधनाच्या किमती वाढल्याने सर्वसामान्यांना मोठा धक्का बसताना दिसत आहे. इंधनाच्या किमती गगनाला भिडल्या असताना बल्गेरियातील प्रसिद्ध अंध भविष्यवेत्त्या बाबा वांगा यांच्या कथित भविष्यवाणीची जोरदार चर्चा रंगली आहे. बाबा वांगा यांची भविष्यवाणी सोशल मीडियावर प्रचंड व्हायरल होत आहे. कथित भविष्यवाणी ही महायुद्ध, आर्थिक-इंधन संकटावर केल्याचा दावा सोशल मीडियावर युजर्सकडून केला जात आहे.

पश्चिम आशियात अमेरिका-इराणमध्ये तणावजन्य परिस्थिती निर्माण झाल्याने कच्च्या तेलाच्या किंमती वाढल्या आहेत. कच्च्या तेलाच्या किंमती वाढल्यानंतर पेट्रोल-डिझेल-एलपीजी सारख्या इंधनाच्या दरात वाढ झाली आहे. काही लोक ही महागाई बाबा वांगा यांच्या कथित भविष्यवाणीशी जोडत आहेत. सोशल मीडियावरील व्हायरल पोस्टमध्ये दावा केला जात आहे की, बाबा वांगा यांनी भविष्यवाणी केली होती की, २०२६ हे वर्ष जागतिक संघर्ष आणि आर्थिक संकटाचे असेल, यात इंधनाचा तुटवडा आणि दरवाढीचा समावेश असेल'.

बाबा वांगा यांच्या भविष्यवाणीत पेट्रोल,डिझेल किंना एलपीजीच्या किंमतीचा स्पष्टपणे उल्लेख केलेला नाही. ही भविष्यवाणी इराण-इस्त्रायल वादाशी जोडून व्हायरल केली जात आहे. ही कथित भविष्यवाणी सोशल मीडियावर व्हायरल झाल्याने नागरिकांमध्ये उलटसुलट चर्चा रंगताना पाहायला मिळत आहे.

सर्वसामान्यांमध्ये या भविष्यवाणीविषयी जोरदार चर्चा होत आहे. काही जण म्हणत आहे की, 'बाबा वांगा यांची कथित भविष्यवाणी खरी ठरताना दिसत आहेत'. देशातील विविध जिल्ह्यात इंधनाच्या किंमती वाढल्या आहेत. या दरवाढ, महागाईमुळे सर्वसामान्य लोक त्रस्त झाले आहेत. महागाईमुळे सर्वसामान्यांना खरेदीसाठी जास्तीचे पैसे मोजावे लागत आहे. तर सरकारनेही सोने खरेदीवर निर्बंध लावले आहेत. आता २०२६ हे संपूर्ण वर्ष कसं जाईल, हे येणारा काळच सांगेल.