गेल्या काही दिवसांपासून पावसाने विश्रांती घेतली होती, मात्र पावसाने पुन्हा एकदा दमदार हजेरी लावलेली आहे. पावसाळा सुरु होताच पावसासंबंधित अनेक घटना घडून येतात. सोशल मीडियावर पावसाळ्यातील घडलेल्या घटनांचे अनेक व्हिडिओ आपल्याला पाहण्यास मिळतात. सध्या सोशल मीडियावर एक धक्कादायक घटनेचे फोटोज व्हायरल झालेले आहे, जिथे पाऊस सुरु होताच नागरिकांच्या मनात भिती बसली आहे. जे झाले असे की, दमदार पाऊस सुरु असताना आकाशातून शेतात चक्क एक भलामोठा बर्फाचा गोळा पडलेला आहे. सध्या या घटनेची जोरदार चर्चा होत आहे.

घटना कुठली आहे?

व्हायरल (Viral)होत असलेल्या घटनेचे फोटोज हे पुणे(Pune) जिल्ह्यातील ओतुरच्या डोमेवाडी येथील आहे. जिथे काल पुणे जिल्ह्यात सर्वत्र विजांच्या कडकडाटासह जोरदार पाऊस(Ran) सुरु होता. दरम्यान डोमेवाडी येथे दिवसा सुरु असलेल्या पावसादरम्यान आकाशातुन प्रचंड वेगात आलेला बर्फाचा गोळा जमिनीवर पडला. नशिबाने यावेळी शेतातील शेतमजुर काही अंतरावर होते, मात्र या घटनेमुळे परिसरातील नागरिकांमध्ये मोठी घबराहाट पसरलीय आहे.

व्हायरल होत असलेल्या घटनेचे फोटोज सोशल मीडिया एक्स प्लॅटफॉर्मवरील ''@TanviPol116027'' या अकाउंटवर पोस्ट करण्यात आलेले आहे. व्हायरल होत असलेल्या फोटोजमध्ये तुम्ही पाहू शकता की, जमिनीवर पडलेल्या बर्फाच्या गोळ्याचा आकार किती भलामोठा आहे. या घटनेनंतर शहरीकरण,प्रदुषण आणि निसर्गाशी होणारी छेडछाड यामुळे निसर्गचक्र बदलताना दिसतेय पर्याय ग्लोबल वॉर्मिंगचा धोकाही वाढतोय का असा प्रश्न आता या निमित्ताने विचारला जातोय.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.