मुंबई: वरळीतून एक मोठी बातमी समोर आली आहे. वरळी डोममध्ये (Worli )18 ऑगस्टला प्रो गोविंदा स्पर्धेचा थरार पाहायला मिळणार आहे. यासाठी 16 संघ जाहीर करण्यात आले आहेत. यावर्षी अभिनेता टायगर श्रॉफ हा या स्पर्धेचा ब्रँड अँबेसेडर असणार आहे. यावर्षी दहिहांडीला सार्वजनिक सुट्टी जाहीर करण्यात आली असल्याची माहिती आमदार प्रताप सरनाईक (Pratap Sarnaik) यांनी दिली आहे. वरळीच्या डोममध्ये 18 ऑगस्टला प्रो गोविंदा स्पर्धेसाठी मुख्यमंत्री,उपमुख्यमंत्री देखील हजेरी लावणार आहेत,असं प्रताप सरनाईक म्हणाले.