लोकसभा निवडणुकीचा सातवा टप्पा पार पडताच देशात एक्झिट पोल जाहीर झाले. जाहीर झालेल्या सगळ्या एक्झिट पोल्समध्ये देशात पुन्हा एनडीएची सत्ता येणार असल्याचा अंदाज व्यक्त करण्यात आला. मात्र महाराष्ट्रात एनडीएचा वारू रोखण्यात विरोधकांना यश येईल. असा अंदाजही एक्झिट पोलमधून समोर आला आहे. यात पक्ष आणि चिन्ह हातातून गेल्यानंतरही शरद पवार आणि उद्धव ठाकरेंना मोठं यश मिळण्याची शक्यता व्यक्त करण्यात येते आहे.