तुळजापुरात पुन्हा एकदा पुजारी आणि प्रशासन वाद पेटण्याची शक्यता आहे. तुळजाभवानी मंदिर विकास आराखडा तयार करण्यात आला असून. राज्य सरकारच्या अनुमतीने जिल्हाधिकारी डॉ.सचिन ओम्बासे यांनी आराखडा नव्याने तयार केला आहे. मात्र या आराखड्याला तुळजापूर मधील पुजारी नागरिक व शहरवासी यांचा विरोध आहे. मंदिर संस्थांनाने केलेल्या विकास आराखड्याला विरोध दर्शवण्यासाठी बैठक घेण्यात आली असून हा विकास आराखडा हिंदू धर्म पद्धतीनुसार नसून यात अनेक बाबी स्थानिकांवर अन्याय करणाऱ्या आहेत असं नागरिकांचं म्हणनं आहे. जिल्हाधिकारी यांनी जर आपलं म्हणणं ऐकून घेतलं नाही तर पुन्हा एकदा तुळजापूर शहर प्रशासना विरोधात आंदोलन उभं करणार असल्याचा इशारा पुजारी व नागरिकांनी दिला आहे.