माझ्या हत्येचा कट रचला गेला असा आरोप मराठा आंदोलक मनोज जरांगे पाटील यांनी पत्रकार परिषदेतून केला. यामुळे राज्यात एकच खळबळ उडाली होती.याप्रकरणी गेवराई येथून जालना पोलिसांनी दोन जणांना अटक केली आहे.गेवराई तालुक्यातील धानोरा येथील अमोल खुणे याची अटकेत समावेश आहे. मात्र मागील एक महिन्यापासून माझ्या पतीला दारू पाजत होते. त्या नशेमध्ये त्यांच्याकडून हे सगळं करून घेतलं जात होतं. मात्र माझे पती मराठा आंदोलक जरांगे पाटलांचे सुरुवातीपासून कार्यकर्ते आहेत. त्यांच्या मोबाईलमध्ये आणि स्टेटसला नेहमी जरांगे पाटलांचे फोटो असतात. ते जरांगे पाटलांना देव मानतात. माझ्या पतीला या प्रकरणात अडकवलं जातंय. त्यांचा काहीही संबंध नाही. असा धक्कादायक दावा आरोपी अमोल खुणे याची पत्नी आणि आईने केला आहे.त्यामुळे या प्रकरणात ट्विस्ट निर्माण आला आहे.