मनोज जरांगे राहत असलेल्या ठिकाणी ड्रोनने टेहाळणी केल्याची माहिती समोर येत आहे. जरांगे यांच्या आंदोलनस्थळासह जरांगे राहतात त्या घरावर ड्रोनद्वारे नजर ठेवली जात आहे का? असा प्रश्न उपस्थित होत आहे. जालन्यातील अंतरवाली सराटी मध्ये काल मध्यरात्री ड्रोन कॅमेरा द्वारे टेहाळणी होत असल्याच समोर आलं आहे. मराठा आंदोलक मनोज जरांगे पाटील हे अंतरवाली सराटीत सरपंचांच्या घरी मुक्कामी आहेत. सरपंचाच्या घरावर हे ड्रोन उडाल्याच सांगितलं जात आहे, तीन दिवसा पूर्वी देखील असाच प्रकार घडल्याच सांगण्यात येत आहे, दरम्यान गावच्या सरपंचांनी ही माहिती पोलिसांना दिली असून या प्रकरणी सरपंच तक्रार देणार असल्याची माहिती त्यांनी दिली आहे.