मुंबईकरांसाठी महत्त्वाची बातमी आहे. जर तुम्ही पुढील दोन दिवस पश्चिम रेल्वेने प्रवास करणार असाल तर ही माहिती नक्की वाचा. आजपासून पश्चिम रेल्वेवर ३ दिवस रात्रकालीन ब्लॉक असणार आहे. मीरा रोड आणि भाईंदरदरम्यान मेट्रो - 9च्या गर्डर लॉन्चिंगचं काम पूर्ण करणार आहे. यासाठी हा रात्रकालीन मेगाब्लॉक ठेवण्यात आला आहे. यामुळे रेल्वेच्या वेळापत्रकात बदल केले जाणार आहे.आजपासून सोमवारपर्यंत मध्यरात्री १२ वाजून ४५ मिनिटांपासून ते ३ वाजून १५ मिनिटांपर्यंत हा ब्लॉक घेण्यात येणार आहे.त्यामुळे आज शेवटच्या दोन चर्चगेट-विरार ट्रेन रद्द करण्यात आल्या आहेत.