बुधवारी मध्यरात्रीपासून रायगड जिल्ह्याला पावसाने झोडपलं आहे. त्यानंतर रायगड जिल्ह्यातील महाड, रोहा आणि नागोठणा या परिसरामध्ये पुर परिस्थिती निर्माण झाली. महाड शहरातील बाजारपेठेत पाणी शिरल्याची माहिती समोर येत आहे. सकाळपासूनच महाडच्या बाजारपेठेत पाणी भरायला सुरुवात झाली असून बाजारपेठेत ७ ते ८ इंच इतकं पाणी साचलं आहे. त्यामुळे मुसळधार पावसामुळे व्यापाऱ्यांची चिंता वाढली आहे. पाणी साचल्यामुळे कोट्यवधींच नुकसान होण्याची शक्यता आहे.