अमरावती : अमरावतीत (Amravati) ऐन उन्हाळ्यात पाणी टंचाई निर्माण झाली आहे. तळपत्या उन्हात अमरावतीकरांना पाण्यासाठी संघर्ष करावा लागत आहे. मेळघाटात अनेक गावं आणि पाड्यात टँकरने विहिरीत पाणी सोडलं जातं आणि हे पाणी घेण्यासाठी गावकऱ्यांची एकच झुंबड उडते. पण हे पाणी विहिरीत सोडल्यामुळे पाणी गढूळ होतं. त्यामुळे गावकऱ्यांना हे गढूळ पाणी प्याव लागतं. गेल्या दोन वर्षात गावात पाणीटंचाईवर लाखो रुपये खर्च केले, तरी पाणीटंचाई दूर झाली नाही असा आरोप होत आहे.