बीडच्या सरपंच हत्या प्रकरणात मुख्यसूत्रधार असल्याचा संशय असलेला आरोपी वाल्मिक कराड याला पोलीस स्टेशनमध्ये व्हीआयपी ट्रीटमेंट दिली जात आहे का अशी चर्चा आता रंगली आहे. कातण कराडला ज्या पोलीस स्टेशनमध्ये ठेवण्यात आलं आहे, त्या ठिकाणी आता पाच पलंग मागवण्यात आले आहे.

बीडच्या केज मधील मस्साजोग येथील माजी सरपंच संतोष देशमुख हत्या प्रकरणात मुख्य सूत्रधार असल्याचा आरोप असलेला वाल्मिक कराड हा मंगळवारी पोलिसांना शरण आला आहे. त्यानंतर त्याची चौकशी सुरू असून पोलीस कोठडीत त्याची रवानगी करण्यात आली आहे. मात्र आता त्याला पोलीस स्टेशनमध्ये व्हीआयपी ट्रीटमेंट मिळत असल्याच्या चर्चा सध्या सुरू आहेत. ज्या पोलीस स्टेशनमध्ये कराडला ठेवण्यात आलं आहे, तिथे आता पाच पलंग मागवण्यात आलेले आहे. त्यामुळे हे पलंग पोलिसांनी वाल्मिक कराडसाठी मागवले असल्याची सध्या चर्चा आहे. तर हे पलंग ठाण्यातील पोलिसांसाठी मागवले असल्याचं स्पष्टीकरण बीड पोलिसांनी दिलं आहे.

दरम्यान, या सगळ्या प्रकरणावर गादी, उशी, पंखा आणि AC देखील बसवता येतील का? असा टोला आमदार रोहित पवार यांनी लगावला आहे.