बीडच्या मस्साजोगचे सरपंच संतोष देशमुख हत्या प्रकरण आणि खंडणी प्रकरणात अटकेत असलेल्या वाल्मीक कराडसंदर्भात मोठी बातमी समोर आली आहे. वाल्मिक कराडचे पुण्यामध्ये आणखी तीन फ्लॅट असल्याची माहिती समोर आली आहे. पुण्यातील अमेनॉरामध्ये वाल्मीक कराडचे दोन फ्लॅट आहेत.

वाल्मीक कराडचे पुण्यामध्ये असलेले फ्लॅट ज्योती जाधवच्या नावाने खरेदी करण्यात आले आहेत. ज्योती जाधव ही वाल्मिक कराडची दुसरी पत्नी असल्याची माहिती उघड झाली आहे. एक फ्लॅट हा शरद मुंडे याच्या नावावर तर दोन फ्लॅट हा ज्योती जाधवच्या नावावर आहे

बीड प्रकरणात सरकारी वकील म्हणून उज्ज्वल निकम यांची नियुक्ती होण्याची शक्यता आहे. मुख्यमंत्री देवेंद्र फडणवीस यांनी उज्ज्वल निकम यांच्याशी फोनवरून चर्चा केली. संतोष देशमुख यांचे भाऊ धनंजय देशमुख यांनी हे प्रकरण उज्ज्वल निकम यांच्याकडे द्या अशी मागणी केली होती. दरम्यान, याप्रकरणात अटकेत असलेल्या वाल्ममिक कराडला ७ दिवसांची एसआयटी कोठडी सुनावण्यात आली आहे.