जालना : जालन्यातील अंतरवाली सराटी फाट्यावरील वडीगोद्री येथे तणावाचं वातावरण पाहायला मिळत आहे. या ठिकाणी मराठा आणि ओबीसी आंदोलकांचा आमने सामने येऊन घोषणाबाजी करताना पाहायला मिळत आहे. या भागात पोलिसांकडून तगडा बंदोबस्त असतानाही मराठा आणि ओबीसी आंदोलक सामने येत आहेत.

याच वडीगोद्रीत मारहाण झाल्याची घटना घडली. या भागात मराठा आणि ओबीसी कार्यकर्ते भिडले. एका गटाने घोषणाबाजी केल्याने दुसऱ्या गटाने मारहाण केली. या मारहाणीचा व्हिडिओ समोर आला आहे. मारहाणीच्या घटनेनंतर पोलिसांनी मध्यस्थी केली. त्यामुळे मोठा अनर्थ टळला आहे.