महाविकास आघाडीमध्ये सांगलीच्या जागेवरून परत एकदा खडाजंगी रंगल्याचं पाहायला मिळतंय... सांगलीमध्ये अपक्ष आमदार विशाल पाटील हेच बाजी मारणार असल्याचा अंदाज एक्झिट पोलमधून व्यक्त करण्यात येतोय.. सांगली लोकसभेचा सामना चांगलाच हायवॉल्टेज झाल्याचं पहायला मिळालं. महायुतीचे संजय काका पाटील महाविकास आघाडीचे चंद्रहार पाटील आणि कॉंग्रेसमधून बंडखोरी करत अपक्ष उमेदवारी अर्ज भरणारे विशाल पाटील यांच्यात तिरंगी लढत झाली. या लढतीत विशाल पाटील आघाडीवर असल्याचे एक्झिट पोलचे अंदाज आहेत. काँग्रेस आमदार विश्वजित कदमांनी अप्रत्यक्षपणे मित्र विशाल पाटलांसाठी जिवाचं रान केल्याची चर्चा सांगलीसह राज्यात रंगली आहे.