पालघर जिल्ह्यातील विरार परिसरात वसई गुन्हे शाखेच्या (क्राइम ब्रँच) युनिट-२ च्या पथकाने धडक कारवाई करत तब्बल १ कोटी रुपयांच्या बनावट नोटा जप्त केल्या आहेत. मुंबई-अहमदाबाद महामार्गावरील विरार हद्दीतील शिरसाड फाटा येथे ही कारवाई करण्यात आली. एका किआ (Kia) कारमधून बॅगेत भरून या बनावट नोटांची वाहतूक केली जात असल्याची गुप्त माहिती पोलिसांना मिळाली होती. त्यानुसार पोलिसांनी सापळा रचून ही गाडी थांबवली. कारची पाहणी केली असता त्यात ५०० रुपयांच्या दरrot ० हजार बनावट नोटा (एकूण १ कोटी रुपये) आढळून आल्या.

या प्रकरणी पोलिसांनी 'MH 48 BT 8686' क्रमांकाची किआ कार, १ कोटी रुपयांच्या बनावट नोटा आणि एका आरोपीला ताब्यात घेतले आहे. रात्रभर विरार येथील मांडवी पोलीस ठाण्यात या नोटांची मोजदाद सुरू होती. या बनावट नोटा नेमक्या कुठून आल्या आणि या रॅकेटचा मुख्य सूत्रधार कोण आहे, याचा शोध घेण्यासाठी पोलिसांची वेगवेगळी पथके रवाना झाली आहेत, अशी माहिती पोलीस सूत्रांनी दिली आहे.