राज्य सरकारने आज अतिवृष्टीने त्रस्त झालेल्या शेतकऱ्यांसाठी मोठे पॅकेज जाहीर केले. यावरच आता कॉँग्रेसचे नेते विजय वडेट्टीवार म्हणाले की, राज्य सरकारने मदतीचा आकडा फुगवून सांगितला आहे. प्रत्यक्षात शेतकऱ्यांच्या तोंडाला पानं पुसण्याइतकीच मदत आहे.

वडेट्टीवार पुढे म्हणाले की, हे पॅकेज शेतकऱ्यांना पुन्हा कर्जाच्या खाईत लोटणारं आहे. सरकारकडून कर्जमाफीची अपेक्षा होती, पण ती पूर्ण झाली नाही.

यंदाच्या अतिवृष्टीमुळे अनेक भागांत शेतकऱ्यांचे पिकांचे मोठे नुकसान झाले असून, त्यांना या परिस्थितीत खरी मदत मिळणे अत्यंत गरजेचे आहे. मात्र, वडेट्टीवार यांच्या मते, सध्याच्या पॅकेजमुळे शेतकऱ्यांच्या समस्या अधिकच वाढतील.