रवींद्र वायकर यांना आर्थिक गुन्हे शाखेने क्लिनचिट दिली आहे. रवींद्र वायकर यांनी लोकसभा निवडणुकांआधी उद्धव ठाकरे गटातून शिंदे गट शिवसेनेत प्रवेश केला होता. त्यांची जोगेश्वरी येथील विवादित भूखंडावर पंचतारांकित हॉटेल बांधण्या प्रकरणी चौकशी सुरु होती. मात्र, याबाबत आता आर्थिक गुन्हे शाखेने वायकरांना क्लिनचिट दिली आहे. यावरुन कॉंग्रेसने भाजपवर चांगलाच हल्लाबोल केला आहे. भाजपकडे वॉशिंग मशिन आणि कमळ छाप पावडर आहे. त्यामुळे वायकरांना मिळालेल्या क्लिनचिटच आता नवल वाटत नाही. अशा शब्दात नाना पटोले आणि विजय वडेट्टीवार यांनी टीका केली आहे.