शरद पवार गटाच्या नेत्या विद्या चव्हाण यांची पत्रकार परिषद पार पडली. यादरम्यान सुनेबाबतच्या घरगुती भांडणाचं राजकारण केल्याचा आरोप विद्या चव्हाण यांनी चित्रा वाघ यांच्यावर केला आहे. चित्रा वाघ यांचं सुनेसोबतचं संभाषण विद्या चव्हाय यांनी एकवलं, चित्रा वाघ यांची तक्रार उपमुख्यमंत्री देवेंद्र फडणवीस यांच्याकडे केल्याचं विद्या चव्हाण म्हणाल्या आहेत. तर मला जास्त बोलायला लावू नका नाहीतर शरद पवारांना त्रास होईल असा पलटवार चित्रा वाघ यांनी केला आहे. फुसके बॉम्ब फोडू नका असा सल्ला देखील चित्रा वाघ यांनी दिला आहे.