ओबीसी आरक्षण बचावासाठी कार्यकर्ते लक्ष्मण हाके आणि नवनाथ वाघमारे यांचे जालन्यात मागील ९ दिवसांपासून उपोषण सुरुय. उपोषणाच्या ठिकाणी आज सरकारचं शिष्टमंडळ हाके आणि वाघमारे यांच्या भेटीला आलं. शिष्टमंडळात गिरीश महाजन, उदय सामंत, पडळकर आदी उपस्थित होते.

शिष्टमंडळातील नेते हाके यांच्यासोबत चर्चा करत होते. त्याचवेळी ओबीसी समाजाचे कार्यकर्ते आक्रमक झाले. त्यांनी या शिष्टमंडळातील प्रतिनिधींसमोरच जोरदार घोषणाबाजी केली. त्यामुळं काही वेळ गोंधळाची परिस्थिती निर्माण झाली होती. हे सरकार ओबीसी आणि मराठा समाजाशी खोटं बोलतंय, असा आरोप यावेळी हाके यांनी केला. सगेसोयरेची व्याख्या बदलणार कशी, असा प्रश्न विचारतानाच शिष्टमंडळाकडून सगळ्या मुद्द्यांवर लेखी मिळावं, त्यावेळीच उपोषण मागं घेऊ, असा निर्धार हाकेंनी केला.