वंचित बहुजन आघाडीकडून विधानसभा उमेदवारांची दुसरी यादी जाहीर करण्यात आली आहे. 10 मुस्लिम उमेदवार जाहीर करण्यात आले आहे. यात मालकपूर, बाळापूर, परभणी, संभाजीनगर मध्य, गंगापूर, कल्याण पश्चिम, हडपसर, मान, शिरोळ, सांगली या विधानसभा मतदारसंघातील उमेदवारांची नावं या यादीत आहेत.

विधानसभा निवडणुकीचं बीगुल लवकरच वाजणार आहे. पुढील आठवड्यात आचारसंहिता लागण्याची शक्यता आहे. सर्व पक्षांकडून विधानसभेसाठी जय्यत तयारी सुरू असतानाच वंचित बहुजन आघाडीकडून विधानसभा उमेदवारांची दुसरी यादी जाहीर करण्यात आली आहे. काही दिवसांपूर्वी वंचितने उमेदवारांची पहिली यादी जाहीर केली होती. त्यानंतर आता बुधवारी 10 मुस्लिम उमेदवारांची यादी जाहीर करण्यात आली आहे. यात मलकापूरमधून शहजाद खान सलीम खान यांना उमेदवारी देण्यात आली आहे. तर बाळापूर - खातिब सय्यद नतीकउद्दीन, परभणी - सय्यद सलीम सय्यद साहेबजान, संभाजीनगर मध्य - मोहम्मद जावेद मोहम्मद इसाक, गंगापूर - सय्यद गुलाम नबी सय्यद, कल्याण पश्चिम - अयाझ गुलजार मोहवी, हडपसर - मोहम्मद अफरोज मुल्ला, मान - इमतियाज जफर नडाफ, शिरुळ- अरीफ मोहम्मअली पटेल, सांगली - अल्लाउद्दीन ह्यातचंद काझी यांना उमेदवारी मिळाली आहे.