१९६०-७० च्या दशकात सामाजिक परिवर्तनाच्या चळवळीत मोलाचे योगदान देणारे, पुरोगामी विचार आणि मानवी हक्कांसाठी आयुष्य वेचलेले ज्येष्ठ समाजवादी विचारवंत आणि गांधीवादी कार्यकर्ते डॉ. कुमार सप्तर्षी यांचं आज, शनिवारी निधन झालं. ते ८५ वर्षांचे होते.

साहित्य क्षेत्रातही त्यांचं मोठं योगदान होतं. त्यांनी अनेक पुस्तकांचे लेखनही केले आहे. त्यांनी पुण्यातून युवक क्रांती दल या संघटनेची स्थापना केली होती. महाराष्ट्र गांधी स्मारक निधीचे ते अध्यक्ष होते. नगरसेवक ते आमदार अशी त्यांनी राजकीय कारकीर्दही राहिली आहे. त्यांचे पार्थिव अंत्यदर्शनासाठी सोमवारी, २० जुलै रोजी सकाळी १० ते १२ या वेळेत कोथरूड येथील गांधी भवनात ठेवण्यात येणार आहे. त्यानंतर वैकुंठ स्मशानभूमीत अंत्यसंस्कार करण्यात येतील.