Nanded Vasant Chavan: काँग्रेसचे नवनिर्वाचित खासदार वसंत चव्हाण यांच्या निधनाची बातमी आज सकाळी नांदेड जिल्ह्यात धडकली. नांदेड जिल्ह्यावर (Nanded City) शोककळा पसरली. त्यांच्या निधनाची बातमी कळताच त्यांच्या नायगाव येथील निवासस्थानी त्यांचा चाहता वर्ग आणि पक्षातील कार्यकर्ते मोठ्या संख्येने जमण्यास सुरुवात झालीय. अत्यंत मनमिळावू संयमी मितभाषी असलेले खासदार वसंत चव्हाण यांचे अकाली निधन झाल्याने अनेकांना अश्रू अनावर झाले "गड आला पण सिंह" गेला अशा भावना व्यक्त करत अनेकांच्या अश्रूंचा बांध फुटला.