पुण्यातील वैष्णवी हगवणे प्रकरणानंतर संपूर्ण राज्यभरातून तीव्र संताप व्यक्त होऊ लागला आहे. त्यानंतर महाविकास आघाडीच्या महिला पदाधिकाऱ्यांकडून राज्य महिला आयोगाच्या अध्यक्षा रूपाली चाकणकर यांच्या राजीनाम्याची मागणी होत आहे. त्यातच एका महिलेला रूपाली चाकणकर यांच्या कार्यकर्तीने फोन करून धमकी दिल्याची ऑडिओ क्लिप सध्या व्हायरल होत आहे.

या महिलेचे नाव संगीता भालेराव असून यांनी राज्य महिला आयोग, मुख्यमंत्री कार्यालय व पुणे पोलीस आयुक्त यांच्याकडे तक्रार दाखल केली आहे. राज्य महिला आयोगाच्या अध्यक्ष रूपाली चाकणकर यांच्या कार्यकर्त्या आणि राष्ट्रवादी कॉँग्रेस पक्ष युवती सेलच्या पश्चिम महाराष्ट्राच्या अध्यक्ष सोनाली गाडे यांनी ही धमकी दिल्याचे सांगिता भालेराव यांनी तक्रारीत म्हंटले आहे.