वैष्णवी हगवणे आत्महत्येनंतर संपूर्ण महाराष्ट्र हा सुन्न झाला आहे. वैष्णवीच्या आत्महत्येनंतर तिच्या वडिलांनी हगवणे कुटुंबाविरोधात तक्रार दाखल केली. त्यानंतर हगवणे पिता-पुत्र हे पोलिसांना गुंगारा देत फिरत होते. मात्र अवघ्या काही दिवसांतच पोलिसांनी या दोघांच्या मुसक्या आवळल्या आणि हगवणे कुटुंबाला गजाआड केले. न्यायालयाने हगवणे कुटुंबाला पोलीस कोठडी सुनावली असून काल झालेल्या सुनावणीमध्ये हगवणेच्या वकिलांनी केलेल्या युक्तिवादात वैष्णवीवर खळबळजनक आरोप केले.

वैष्णवी हि नको त्या व्यक्तीसोबत चॅट करत होती, असे हगवणेंचे वकील विपुल दुशिंग यांनी कोर्टामध्ये युक्तीवादात सांगितले. त्यांच्या या व्यक्तव्यानंतर वैष्णवीच्या वडिलांनी भाष्य केले. मोबाइल चॅटिंगबाबत आम्हाला काहीच माहीत नव्हते. त्यांनी आम्हाला कुठलीही कल्पना दिली नव्हती. माझी मुलगी आता या जगात नाहीये कृपया करून तिच्या चारित्र्यावर शिंतोडे उडवू नका असे म्हणत वैष्णवीचे वडील अनिल कास्पटे ढसाढसा रडायला लागले.