मार्च- एप्रिल मध्ये फुलणारी 'सुरंगी' चक्क जुन महीन्यात बहरली आहेत. प्रत्येक फुलांचा बहर हा त्या-त्या ठरलेल्या हंगामामध्ये येत असतो. मात्र बिगर मौसमात आणि त्यात दमदार पावसाच्या हंगामामध्ये न फुलणारी सुरंगी बहरली आहेत. कुडाळ तालुक्यातील आवेरे गावातील यशवंत पालकर यांच्या सुरंगीच्या झाडांना आश्चर्यकारक बहर आला आहे. सुरंगीची फुले अतिशय सुगंधी असतात त्यामुळे मार्केट मध्ये त्यांना मोठी मागणी आहे.

याचा वापर गजरे बनविण्यासाठी तसेच या फुलांपासून सुगंधी अत्तर बनविण्यासाठी मोठ्याप्रमाणात होतो. मार्च-एप्रिल या दोन महिन्यात बहरणा-या या सुरंगीच्या फुलांमुळे वेंगुर्ले तालुक्यातील शेतकऱ्यांना मोठे आर्थिक उत्पन्न मिळते. मात्र बिगर हंगामातील सुगंधी सुरंगीचा बहर हा सुखद धक्का देणारा असून हा वातावरणातील बदलांचा परिणाम असल्याचे यशवंत पालकर यांनी सांगितले आहे.