पुणे :

सलग दुसऱ्या दिवशी पुण्यात अवकाळी पावसाने हजेरी लावली आहे. काही तासांपुर्वीच पुणे वेधशाळेने अवकाळी पावसाचा अंदाज वर्तवला होता. वेधशाळेचा हा अंदाज खरा ठरला आहे. पुण्यात गारपीट आणि वादळीवाऱ्यासह अवकाळी पावसाने हजेरी लावली आहे. या पावसामुळे नागरिकांची उकाड्यापासून काहीवेळ सुटका झाली आहे. पण ऐनवेळी आलेल्या पावसामुळे सामान्य नागरिकांची तारांबळ उडाली आहे. अवकाळी पावसामुळे शेतीचे नुकसान झाल्याचा अंदाज वर्तवला जात आहे. पुण्यासह कोल्हापूर, सातारा, हिंगोलीतही अवकाळी पाऊस पडेल असा अंदाज पुणे वेधशाळेने वर्तवला होता.