देशाच्या अर्थमंत्री निर्मला सीतारामन यांनी अर्थसंकल्प सादर केला. या बजेटवर राज्यातून आता वेगवेगळ्या प्रतिक्रिया येत आहे. कोणी याचे स्वागत करत आहे तर कोणी यावर टीका करत आहे. प्रहारचे प्रमुख बच्चु कडू यांनी यावर भाष्य करत जोरदार टीकास्त्र सोडले आहे. बच्चू कडू म्हणाले, आजच्या बजेटमध्ये महाराष्ट्रापेक्षा गुजरातला वाटा जास्त आहे. महाराष्ट्रातल्या खासदारांनी दिल्लीत भांडले पाहिजे. बजेटचा आकडा फुगत असला तरी शेतकऱ्यांसाठी मात्र बजेट लहान होत आहे. बजेटमध्ये फक्त योजना दिल्या रोजगाराची भाषा कोणी बोलत नाही. शेतकऱ्यांच्या आत्महत्येचा कुठलाही प्रभाव केंद्रावर दिसत नाही.असा जोरदार हल्लाबोल कडू यांनी आजच्या बजेटवर केला आहे.