मुख्यमंत्री माझी लाडकी बहीण योजनेत तब्बल 1 कोटी 96 लाख 43 हजार 207 पात्र लाभार्थी महिलांच्या खात्यात तिसरा हप्ता जमा झालाय.असं असताना आता काही महिलांच्या खात्यात जमा झालेले हे पैसे बँकेकडून कापण्यात आलेत. त्यामुळे महिलांना मोठा धक्का बसला. मात्र आता या महिलांना हे पैसे पुन्हा मिळणार आहे. काय कारणं बँकाकडून देण्यात आली, हे जाणून घेऊ...

'लाडकी'चे पैसे का कापले ?

-मिनिमम बॅलेन्स मेनटेन न ठेवलेल्यांचे पैसे कापले

- दंडात्मक स्वरूपात खात्यातून पैसे वजा

- थकीत कर्ज असलेल्यांच्या खात्यातून पैसे कापले

या तक्रारीची दखल आता महिला आणि बाल विकास विभागाने दखल घेतली आहे. याबाबत महिला आणि बाल विकास मंत्री आदिती तटकरे यांनी बँकांना सूचना केल्या आहेत. त्यामुळे आता ज्या महिलांच्या योजनेचे पैसे बँकेने कापले आहेत ते पैसे पुन्हा एकदा बँका खात्यात जमा करणार आहे. यामुळे महिलांना मोठा दिलासा मिळणार आहे. तर यंदाची दिवाळी दणक्यात साजरी होणार यात शंका नाही.