सोलापूर: अनगर नगरपंचायत निवडणुकीसंदर्भात उज्ज्वला थिटे यांना सोलापूर जिल्हा आणि सत्र न्यायालयाकडून कोणताही दिलासा मिळालेला नाही. निवडणूक आयोगाने थिटेंचा उमेदवारी अर्ज बाद ठरवला होता. या निर्णयाविरोधात उज्ज्वला थिटें यांनी थेट सत्र न्यायालयात याचिका दाखल केली होती. मात्र, सुनावणीअंती न्यायालयाने त्यांची याचिका फेटाळून लावली आहे. उमेदवारी अर्ज बाद झाल्याने थिटें यांनी न्यायालयाचे दरवाजे ठोठावले होते, पण आता सत्र न्यायालयाच्या निर्णयामुळे त्यांना मोठा धक्का बसला आहे. निवडणूक आयोगाच्या निर्णयानंतर आता न्यायालयानेही त्यांना दिलासा देण्यास नकार दिल्याने त्यांच्या निवडणूक लढवण्याच्या आशा संपुष्टात आल्या आहेत.